Дополнителна сигурност со Tondach покривна опрема

Покривот не се состои само од ќерамиди. Оригиналниот покривен систем на Tondach го сочинуваат висококвалитетни ќерамиди, керамички и некерамички додатоци. 
Kерамички додатоци како што се ќерамиди со специфични функции вклучуваат: вентилациона ќерамида, завршна ќерамида, почетен капак, тројник, четвотник - разделник на било итн. Примената на некерамички додатоци е исто така клучна. Дел од решенијата што Винербергер ги нуди се и покривната фолија, лентата за вентилација под капаците на билото, држачи за капак, држачи за летви, заштитна решетка за птици, разни елементи за вентилација, покривен прозор , метални снегобрани, шајка за почетен капак, држач за летва  итн.
Употребата на потребните додатоци за покривот ја гарантира неговата издржливост и сигурност. Вградувањето на  системските решенија на Tondach е едноставно и брзо со помош на бесплатната техничка поддршка од Tondach за нивно правилно вградување. Во комбинација со 33-годишната гаранција, обезбедувате трајна вредност за идните генерации.

Иновативните покривни фолии на Tondach се решението за секундарниот покрив. Покривните фолии се повеќеслојни мембрани кои од горната страна се водоотпорни, а од долната страна се пропустливи на пареа. Го спречуваат пробивањето на дождот, снегот и нечистотијата во просторот под покривот и на тој начин ја штитат топлинската изолација и покривната конструкција.

Покривните фолии се отпорни на УВ зрачење и обезбедуваат максимална безбедност и економичност. 

Излезните покривни прозорци се идеално решение за природно осветлување на таванските простории. 

За постигнување на усогласен и технички исправен покрив, потребно е да се вгради, по мерка изработен, керамички прибор составен од флексибилен керамички отвор, манжетни и црево за вентилација кои нудат совршена заштита од невреме. Од надворешната страна, вентилацијата е дискретна и визуелно усогласена, додека од внатрешната страна технички подготвена за сите приклучоци, трајно непропустлива на вода и на ветер.

Tondach нуди безбедни и сигурни решенија за слемето и гребенот на покривот, обезбедувајќи исклучително важна работа, а тоа е дишењето на покривот. Слемето и гребенот се вклопуваат во визуелниот идентитет на покривот, притоа решавајќи ги проблемите со влагата.

Вентилациониот елемент без чешел и мрежичката овозможуваат безбедност од влегување на птици од покривот. Елементите се интегрираат хармонично и незабележливо, без да се наруши изгледот на покривот.

Порозниот материјал и оптималниот проток на воздух го спречуваат задржувањето на влагата. Ќерамидите на Tondach се од глинен, порозен материјал кој прави дифузија на влагата и воздухот што содржи водена пареа од внатрешноста на објектот во атмосферата. На тој начин, вашиот објект буквално дише. Токму поради тоа, глинените ќерамиди се неспоредливо подобри од другите. Со каналите за проветрување се овозможува струење на воздухот од стреата кон билото, што е неопходно за сушење на надворешниот дел од покривот и за постојаност на температурата.