Најважни совети за реновирање покрив

Иако нашиот дом ни нуди заштита од временските услови што доаѓаат од природата, тој сепак може да биде дел од неа, ако е изграден од природни материјали. Кога станува збор за покривот, неприкосновен материјал за негова изградба се глинените ќерамиди. Глината е најиздржливиот материјал, а покривот направен од глинени ќерамиди, како што се нашите Tondach, ќе го штити вашиот дом од сите атмосферски услови и невремиња, додека во исто време и ќе диши и ќе ви овозможува пријатна средина за живеење. 

Многу ќерамиди поставени една до друга не прават покрив. Но, многу ќерамиди, поставени на правилен начин една до друга, со соодветни капаци и завршни ќерамиди по рабовите, со елементи за вентилација, снегобрани, паропропусна фолија, закопчувалки за фиксирање на ќерамидите, опшивки итн... – е тоа е веќе систем или како што ние го нарекуваме, системско решение за покрив од Tondach. Градејќи го покривот на овој начин, со комбинација на различни елементи, вие создавате „уигран“ систем за заштита на вашиот дом. 

Ние во „Винербергер“ повеќе сакаме да зборуваме за покривни системски решенија отколку само за покрив. Поставувањето на системско покривно решение значи, освен поставување на ќерамидите, инсталирање и на низа покривни додатоци, како што се снегобраните, вентилациската лента, паропропусната фолија, заштитните решетки за птици, разделниците за било и сл., кои работат заедно за да овозможат целосна заштита од надворешни влијанија. Затоа, кога имаме покривно системско решение можеме да зборуваме за долговечен покрив кој ќе обезбеди максимални перформанси во поглед на заштитата и сигурноста на вашиот дом.

Кога некој производ има долга гаранција, тоа е првиот знак дека во неговиот квалитет е инвестирано многу и дека производителот подготвено застанува зад тој квалитет. Во случајот со нашите покриви Tondach, ние застануваме зад нив со 33-годишна гаранција. А тоа го правиме затоа што можеме да се потпреме, од една страна, на знаењето и искуството на „Винербергер“ подолго од два века, а од друга, на 120-те вработени во нашата фабрика „Винербергер“ во Виница, кои секојдневно се грижат за беспрекорниот квалитет на производите.