Проширете го просторот за живеење

Проширете го просторот за живеење – уредете го дворот

Сакате да го уредите вашиот двор и да добиете летен дом на отворено? Нема подобра одлука, ако нè прашате нас! Во продолжение прочитајте на што треба да размислувате додека ги правите плановите.

Pastella Grande плочи - продуктова фамилия

2. Место за престој

Инспирација за дворот

Просторот за престој на отворено ќе ве поттикнува што повеќе време да минувате во дворот. А кога веќе сте таму, во текот на целото лето сите блиски и пријатели ќе ги каните на дружење каде ако не – во дворот!

Ако имате голем двор, во местото за престој можете да направите дел за скара, фурна, место за логорски оган, да закачите нишалки меѓу дрвјата, да поставите лулашки за децата... Можете да донесете маса за пинг-понг, фудбалче, трамболина... Но, и да немате многу простор, сигурно ќе успеете да ги сместите неопходните работи за секоја седенка: удобни столови и масичка за оставање на пијалаците и мезето.

Bradstone Mountain Block жълто сив меланж

3. Парчиња уметност

Фокусирајте се на деталите во дворот

Не морате да бидете уметник за да внесете уметност во вашиот двор. Сè што треба е да се фокусирате на деталите, кои естетски ќе ги вклопите во целата слика на дворот. Во некој агол од дворот може совршено да легне некоја градба од камен, низ тревниците можете да поставите купени фигури или статуи.

Празните ѕидови можете да ги покриете со висечки зелени градини, кои ќе ги направите од палети на кои ќе закачите саксии. Монотонијата на поголемите тревници секогаш може да се разбие со мали островца од цвеќиња оградени со украсни камења. Притоа, играњето со правилните и неправилните форми на овие делови може да ви помогне да направите уникатни релјефни апстрактни слики во дворот.

4. Вода, вода, вода

Бидете креативни

Фонтана, бара или базен? Едно, две или сите три? За што и да се одлучите, имајте на ум дека водната површина природно ќе стане средишно место во вашиот двор, така што околното украсување треба да го планирате во согласност со нивната естетика.

Фонтаната и барата бараат внимателен избор на материјали за градба и оградување, како и растенија и животни кои ќе ги населат, но и многу креативност, спонтаност и импровизација.

Кога станува збор за базен, можете да се решите да набавите монтажен и во тој случај ќе треба само уште да изберете соодветен бехатон за поплочување на површината под него. Ако, пак, се решите да изградите свој базен, ве чека многу поопсежна работа, која вклучува правилен избор и на материјали за градба на самиот базен и површината околу него, но и добар и професионален изведувач.

Сепак, водата си е вода и во каква и да е форма или површина, таа му дава поинаква димензија на животот на вашиот двор.

Semmelrock Nordic Maritime ploče svijetlo siva prošarana

5. Поплочување

Павер-елементите на Semmelrock се најдобар избор

Поплочените делови од дворот се „безбедни“ места за вашите чекори во секое годишно време и во сите временски услови.

Поплочете го делот за престој – на тој начин ќе можете полесно да го одржувате и чистите, нема да се грижите дали со семејството и пријателите ќе ја уништите тревата под вашите нозе и дали ќе ви заврне и ќе треба да газите по кал.

Испланирајте каде треба да направите поплочени патеки. Размислете дали да бидат со јасни линии и прави агли или повеќе ќе ви одговараат заоблени и меандрирани патеки. Стеснете ги патеките онаму каде што доаѓа некој интересен дел од градината (клупа под дрво, детска лулашка) и проширете ги онаму каде што би сакале да се движите повеќе и побргу.

Во денешно време, најдобар избор за поплочувањата во дворот се павер-елементите. Наша препорака е да се одлучите за висококвалитетни производи, чии уникатни својства и исклучителен изглед ќе ѝ дадат повеќе стил и елеганција, но и трајност на секоја површина.

Погледнете ја нашата понуда и инспирирајте се да создадете двор во кој со години и со генерации ќе уживате!