Зошто е важно во потпокривниот простор секогаш да има добра вентилација?
.jpg)
Вашиот избор
Добра вентилација, чиста ситуација
Мрачната атмосфера, тешкиот воздух и жештината на таванскиот простор се нешто што треба да стане минато. Темните и влажните простори се идеално место за развој на мувла, бактерии и алергени, особено под влијание на топлина во каква што живееме периодов, што значи нездрава животна средина – а тоа не треба да биде дел од ниту еден дом.
Затоа, доколку планирате да го реновирате вашиот покрив или да градите нов, од овој текст информирајте се зошто вентилацијата на потпокривниот простор е важна и како да ја постигнете.
Вентилација под покривот
Основно поаѓалиште за да стигнете до крајната цел „сигурен и здрав покрив“ е да размислувате сеопфатно. Тоа значи покривот да го гледате како систем од повеќе елементи, при што клучни се:
1. Ќерамидите. Природните глинени ќерамиди, какви што се Tondach, се најдобар покривен материјал кога станува збор за вентилација на покривот. Тие се произведени од глинен, порозен материјал кој ја пропушта влажноста што може да се создаде во потпокривниот простор надвор од покривот.
2. Додатоците. Како дел од системските покривни решенија, во асортиманот на Тондах има голема палета производи, керамички и некерамички, кои му овозможуваат на покривот да дише. Тука спаѓаат:
- Вентилациски ќерамиди – специјално дизајнирани глинени ќерамиди кои служат за вентилација на потпокривната површина;
- Паропропусна фолија – се поставува под ќерамидите и овозможува влагата од потпокривниот простор да испари низ неа, додека истовремено спречува навлегување вода внатре;
- Вентилациска лента – дел од вентилациските канали кои овозможуваат проток на воздух од стреата до гребенот што е неопходно за сушење на покривот и температурна постојаност;
- Вентилациски елементи за стреа – помагаат да има проток на воздух од стреата кон билото, во исто време спречувајќи го навлегувањето и загнездувањето на неканети гости, како птици, инсекти и штетници.
- Отвори за вентилација – тие се предизвик за секој покрив, но со овие елементи на Тондах се спречува пропуштање на водата и влагата. Од надворешна страна, вентилацијата е дискретна и беспрекорно вклопена во изгледот на покривот, додека од внатрешната страна технички подготвена за сите временски предизвици.
Светлина под покривот
За одржување на здравата средина во потпокривниот простор, своја улога игра и природната светлина. Излезните покривни прозорци од Тондах се идеално решение за природно осветлување на таванските простории. Иако дебелината на нивното термостакло е 15 mm, не треба да се мешаат со покривните прозорци, кои се вградуваат во станбените простори. Со нивно вградување се обезбедува доволно природна светлина, можност за вентилација на потпокривниот простор, како и дополнителна функционалност – можност за излегување преку нив на покривната површина.
Доколку имате недоумици во врска со тоа како да постигнете беспрекорна вентилација на вашиот нов покрив, нашиот тим ви стои на располагање. Слободно контактирајте нè!
Дали ви треба дополнителна помош?
За цени и набавка
Контактирајте ги нашите комерцијални претставници
Локации на дистрибутери
Пронајдете го дистрибутерот што ви е најблизу
Пријавете сѐ за Newsletter
Не пропуштајте ги нашите промоции и новитети
