Porotherm 25 Thermo – новото енергетски ефикасно решение за ѕидови

Градежната керамика, особено порозираната, има голем број предности пред останатите градежни материјали, иако во оваа статија во најголема мера ќе се концентрираме на нејзините термоизолациски својства. Градежно-керамичките производи имаат ниска спроводливост на топлина, мала волуменска тежина и одлична способност за акумулирање топлина, така што просториите изградени со ѕидови од тули се топли во текот на зимата и ладни налето.

Но, што ги прави блоковите за ѕидање на „Винербергер“ уникатни на нашиот пазар? Да почнеме од самиот производствен процес и изборот на суровините, зашто тајната лежи токму во рецептурата. Ние во „Винербергер“ ја порозираме керамиката, односно, со други зборови, додаваме порозивни природни материјали (најчесто дрвени струготини) во глината, кои во процесот на печење изгоруваат и формираат пори во керамичкиот скелет, со што ја намалуваат неговата густина и ги подобруваат термоизолациските својства на блоковите за ѕидање Porotherm.

Со голема брзина растат барањата за енергетска ефикасност на градбите, а за жал со уште поголема брзина растат и цените на основните енергенси. Ако ги разгледаме барањата за референтните вредности на коефициентот на пренос на топлина (U-вредноста) на различни градежни материјали, моменталните барања на коефициентите на пренос на топлина на ѕидови, подови и прозорци се двојно повисоки во споредба со нивната вредност, на пример, во 2000 година. Се разбира, заедно со нив се зголемуваат и барањата за термоизолациските својства на градежните материјали.  

Една од дефинициите за одржлив развој вели дека тој претставува пресретнување на тековните потреби на луѓето без да се загрози можноста на идните генерации да ги пресретнат нивните потреби. Глината е суровина која се користи како градежен материјал илјадници години. Најстарите тули, исушени тули на сонце за градење се користеле 14.000 години пр.н.е. во библискиот град Ерихон. Грижата за животната средина, нејзиното зачувување и обезбедувањето добар живот за идните поколенија се прашања на кои „Винербергер“ активно работи секој ден. За овие цели „Винербергер“ постојано ги оптимизира и процесите во производството, и своите производи. Блоковите за ѕидање Porotherm 25 Thermo не само што имаат подобрени термоизолациски карактеристики, туку при оптимизирањето на рецептурата и решетката на производот успеавме да ги намалиме емисиите на јаглерод диоксид за време на производството, за да им овозможиме на нашите клиенти градежен материјал кој ќе трае и за идните поколенија и дополнително да помогнеме во процесот на обезбедувањето подобра иднина на новите генерации.