Кои се трендовите на најубавите дворови за лето 2023-то

Надворешните простори на еден дом се исто важни како и внатрешните. За ова стануваме особено свесни кога ќе дојде лето и кога сакаме да поминуваме што повеќе време надвор.

Reference photo private landscaping in Waarschoot

Зелен ѕид за восхит

Semmelrock

Еден од неколкуте начини дворот да го направите впечатлив е да се потрудите да направите барем еден зелен ѕид. Без разлика дали имате голем двор или мало градинче, зелените ѕидови внесуваат посебен шарм во изгледот на целата куќа. А и не се нешто многу тешки за правење. За изработка можете да користите шишиња за вода, стари садови и други предмети што можете да ги цртате, украсувате и дизајнирате по ваш вкус и во нив да посадите зачински билки или украсни растенија. Обидете се боите на садовите што ќе служат како саксии да ги усогласите со боите и стилот на вашата куќа и со сигурност ќе имате зелен ѕид за восхит!

Детско дворче во дворот

Semmelrock

Општо земено, дворовите се места каде што возрасните сакаат да го поминуваат времето, но да се разбереме, децата – обожаваат! Базен или лизгалки со вода, лулашки и лежалки закачени на дрвја, мали масички за јадење надвор... само решете да одвоите еден дел од дворот за децата и како и да го уредите, сигурно нема да погрешите. Но, детското дворче оваа година е нешто што е тренд и веруваме дека тоа е со причина! А, дополнително, сигурни сме дека во сите овие работи направени специјално за нив, нема да уживаат само децата 😉.

Reference photo private landscaping in Wielsbeke

Алфреско!

Semmelrock

Сте чуле за алфреско? Тоа е италијански израз („al fresco“) со буквално значење „на свежо“, а најчесто се користи за јадење и правење други работи на отворено, во природа. Оваа година трендот на „алфреско“ простори го достигнува својот врв. Без разлика дали ви одговара кујна или катче за пикник, голем простор за седење и дружење, мала библиотека, вежбална или место за забава – алфреско местото лесно може да стане средишно место во вашиот двор.

Reference photo private landscaping in Gent

Замислете – метал!

Semmelrock

Да, добро прочитавте. Низ годините, на трендовите за надворешно уредување имаат влијаено различни материјали. А оваа година дојде ред токму на металите. Големите еднобојни метални саксии, надворешните масивни столбови или ѕидови обложени со лимени панели и пергола-тендите се вистински контраст на природната средина на дворот.

Reference photo infrastructure landscaping in Sint-Truiden

Брановидни дворови

Semmelrock

Последен, но затоа и особено интересен тренд кога станува збор за дворовите годинава, е внесување „флуидност“ во нив. Како се постигнува тоа? Па, едноставно, следете ја формата на брановите: со правење кривулести патеки и рабови, со заоблени клупи или со посадување растенија со навиткани листови покрај патеките и околу масите и столовите. Овој дизајн обично се практикува кај мали квадратни дворови, но може да „легне“ и на попросторни дворови.