Вашиот избор

Зошто покрив со покривна фолија?

Со инсталирање покривна фолија Tondach ќе ги намалите трошоците за енергија, а ќе ги зголемите квалитетот, трајноста и вредноста на вашиот имот.

Покривните фолии Tondach се повеќеслојни мембрани кои од горната страна не пропуштаат вода, а од долната страна ја пропуштаат пареата. Тие го спречуваат продорот на дождот, снегот и нечистотиите во потпокривниот простор и на тој начин ја штитат топлинската изолација и покривната конструкција. Со еднонасочната пропустливост на пареа, покривните фолии ја изнесуваат пареата надвор од објектот. На тој начин ја спречуваат кондензацијата на пареата и создавањето мувла, коешто предизвикува гниење на покривната конструкција, што може да биде исклучително опасно за стабилноста на целиот покрив.

Правилно поставената покривна фолија станува монолитна мембрана која спречува посилно струење на воздухот. Воздухот заробен под мембраната станува совршен изолатор и ја подобрува енергетската ефикасност на покривот.

Како се поставува покривната фолија?

Во основа, има неколку правила што треба да ги запазат мајсторите при поставувањето на покривната фолија:

- хоризонтално, парчињата фолија се преклопуваат по 15 cm, а преклопите се лепат со двострано леплива лента;

- на парчињата фолија кои се преклопуваат на ширина од 10 cm под контралетвите, се поставува дихтунг-лента со која се затвораат отворите од шрафови или други процепи и на тој начин се спречува загубата на енергија;

- на дихтунг-лентата се поставува и се прицврстува контралетвата.

Доколку фолијата е поставена без лепење на споевите, сметаме дека имаме поставено основен секундарен покрив. Во зависност од моделот на ќерамидата, со ваквото поставување на фолијата, минималната накосеност на покривот може да се намали до 5°. Ако се вградува премиум фолија, какви што се Tondach FOL-К (75 m²), 145 g/m2 и Tondach FOL-S (75 m²), 145 g/m², чии споеви се лепат или заваруваат, накосеноста може да се намали и за дополнителни 3°.

Со покривна фолија до подобар покрив

Предностите на покривната фолија од Tondach се следниве:

- ја чува конструкцијата на покривот и така го продолжува неговиот животен век;

- овозможува дополнителна сигурност од продор на вода;

- го овозможува минувањето на водената пареа од внатрешниот простор во околината;

- огноотпорна е и има голем интервал на температурна постојаност;

- отпорна е на оштетувања и истегнувања;

- на покривот може да биде изложена на временски услови пред неговото конечно покривање, без да ги изгуби својствата;

- водоотпорна е за накосеност на покрив и до 10°;

- овозможува целосна заштита од навлегување на вода и во деловите на преклопите на фолијата и кај покривните отвори (оџаци, покривни прозорци, приклучоци за аспиратор и антени) со употреба на дополнителна системска опрема Tondach.