Овие денови, кога го испраќаме летото и сме на прагот на есента, со поглед ги испраќаме и последните јата ластовици кои заминуваат на својот лет на југ.
Вашиот избор
За птиците врз кои ноќта и денот се делат
Ластовиците се мали птици, кои тежат само по дваесетина грама, а способни се да прелетаат илјадници и илјадници километри. Штом денот почнува да се намалува, нивниот инстинкт за преживување проработува. Тие знаат дека тоа значи оти доаѓаат студени денови и дека нема да има доволно храна тука, па затоа се подготвуваат за пат.
Од нашиве простори, ластовиците ги прелетуваат Средоземното Море и Сахара, минувајќи денови и денови по различни временски услови за да поминат неколку илјади километри и да стигнат до посакуваната дестинација во Африка, каде што ќе презимат.
По зимувањето во Африка, паровите ластовици напролет се враќаат во истото гнездо, под истиот покрив, особено ако минатата година во него успешно ги исхраниле своите малечки, кои веќе се осамостоиле и ќе си прават свој дом. Неретко, и тие своето гнездо го прават во близина на родното. Гнездата ги градат во форма на длабока чинија, од кал, слама, плунка и пердуви.
Но, овие птици-преселници, за кои на нашиот Блаже Конески пееше дека се „птици врз кои ноќта и денот се делат“, под влијание на климатските промени, развојот на крупното земјоделство и сè поголемата употреба на пестициди, полека стануваат загрозени.
Да им помогнеме за да продолжат да ни помагаат
Како компанија која во својата срцевина ја има природата, се чувствуваме должни кон нашите пердувести пријателчиња, со кои ја делиме потребата своите домови да ги правиме од природни градежни материјали. Уште минатата година „Винербергер“ – Македонија се придружи кон идејата за зачувување на биоразновидноста на ниво на целата групација „Винербергер“.
Имено, нашата приказна за производство на градежни материјали е тесно поврзана со градителската приказна на ластовичките. Со години наназад, фабриката во Виница во којашто се произведуваат природни производи за изградба на домови е и дом на многу ластовички. Од година во година, тие се враќаат во гнездата под стреите на нашата фабрика, тука се размножуваат и оттука ги подготвуваат своите малечки за лет кон потоплите краишта на есен. Од година во година, нивниот број расте и од година во година сè повеќе придонесуваат за „чистење“ на воздухот во Виница и околината од инсекти, со што и директно ни враќаат за нашето гостопримство правејќи ги летните навали од инсекти помали.
Ние веруваме дека да се има гнездо на ластовици под покривот е благодат и им се радуваме на ластовичките и наесен кога се подготвуваат да заминуваат, и напролет кога повторно ќе ни дојдат. Знаеме зошто одат и знаеме зошто доаѓаат, но можеме само да претпоставиме што сè преживуваат минувајќи до нивниот долг пат на преселба. Затоа, оваа есен им посакуваме добар пат и напролет ги очекуваме пак да ни се вратат.
Имате ли прашања за нас или за нашите производи?
Контактирајте нè и ќе ви помогнеме!
Дали ви треба дополнителна помош?
Сакате персонализирана понуда?
Контактирајте ги нашите претставници за продажба!
Локации на дистрибутери
Најдете го дистрибутерот што ви е најблизу
Пријавете се за Newsletter
Не ги пропуштајте најновите вести од нас
