Топ светски трендови за уредување на куќите во 2024 г.

Woman controlling home temperature with electronic thermostat mounted on the wall in living room at home. Concept of modern technologies and smart home | Pipelife

1. Паметните домови стануваат уште попаметни

AI

Кое е технолошки најнапредното нешто што го имате дома? Алекса или Сири? Други паметни уреди и паметна бела техника? Благодарение на спојувањето со вештачката интелигенција, технологијата во светот оваа година оди уште понапред. Кога станува збор за куќите, годинава во домовите ќе се става осветлување со ВИ кое ќе се вклучува или исклучува во зависност од движењата на луѓето во домот. Потоа, рерни кои го скенираат јадењето што се пече и знаат во кој момент да се појачаат, а во кој момент да се исклучат. А тука се и безбедносните системи кои собираат и анализираат податоци за да детектираат и да спречат потенцијални закани сами, за луѓето да не бидат на штрек додека не се дома.

2. Кујната – поефикасна и подобро организирана

срцето на домот

Кујната останува „срцето на домот“. Стариот познат концепт на основниот кујнски триаголник (фрижидер, шпорет и мијалник) се враќа во центарот на вниманието. И во големите кујни тој ќе има тенденција да биде што помал, затоа што никој веќе не сака да изоди 10.000 чекори додека прави вечера. Затоа, во фокусот на 2024-та ќе бидат практичните кујнски острови, погодни и за седење и за приготвување на храната.

Дополнително, поучени од кујните задушени со милион апарати, сопствениците на новите кујни годинава ќе бараат да им се издизајнира простор за складирање и на поголемите кујнски апарати како микробранова печка, машина за кафе или миксер за тесто. Срцето на домот ќе чука посмирено кога не е толку натрупано.

3. Топли и неутрални тонови за внатре

чувство на топлина

Според експертите, сè уште трае преминот од силни бели и сиви тонови кон беж, кафена, кремова и други потопли и понеутрални тонови. Се смета дека тие најбргу ќе влезат во кујните, но овој изглед се очекува да почне да доминира и со остатокот од домовите што ќе се градат или реновираат годинава. Сите ќе сакаат чувството на топлина и пријатност да го вградат во домот, па кога ќе влезете во него да се чувствувате како некој да ве гушнал.

5. Што повеќе зеленило меѓу плочниците

уредување на дворот

Во 2024 година ќе се зголемува интересот и за „поприродно“ уредување на дворот. Можеби звучи чудно, затоа што дворот веќе е дел од природата, но експертите велат дека луѓето кои живеат во бетонирани урбани средини и дишат загаден воздух зиме, нема да знаат за доста кога станува збор за зеленилото во дворот на пролет. Естетски уредените алеи со цвеќиња или џбунови, испресечени со градинарски патеки и добри системи за одводнување, се спојот на „слатко и корисно“ што ќе се бара во дворовите годинава.

Ceramic handycrafts sold in the shops sold in Sopot Poland. Candid souvenir travel gifts. Clay bells hang on a rope. Shallow depth of field

6. Рачни изработки

уникатен дом

Уредувањето со наменски изработени елементи и декорации во домот е тренд што почна во Европа, но годинава се очекува да го освои светот. Рачно изработени плочки, бањи по нарачка и разни други елементи од мебел направени по нарачка, го истакнуваат вкусот на сопствениците и создаваат чувство на навистина уникатен и посебен дом. Дополнително, преку рачно изработените лустери и лампи, теписи и декорации за внатре или за во дворот, луѓето уживаат во создавањето дом кој не личи како дом од каталог и кој не е сличен на ниту еден друг.