Покривни прозорци за повеќе сончеви зраци

Ако сте се решиле да направите доградба на вашата куќа во висина или да го реновирате таванот за да го претворите во поткровје, почнете да размислувате за покривните прозорци. Тие се приоритет за да внесете повеќе светлина и пријатна атмосфера во новиот простор за живеење.

1. Термо и звучна изолација.

Tondach покривни прозорци

Прозорците со квалитетна изолација меѓу стаклото се полнети со инертен гас – агрон. Во прашање е благороден гас кој е безбоен и нереактивен и претставува врвно средство кога станува збор за изолација на стаклени производи. Ако вашите простории се наоѓаат во урбана средина, потребни ви се прозорци со поголема звучна изолација.

2. Енергетска ефикасност.

Tondach покривни прозорци

Важен фактор кој директно укажува на енергетската ефикасност на прозорците е U-факторот. Колку што е понизок U-факторот, толку изолацијата е подобра. Секој прозорец има U-фактор на самото стакло и на комплетниот прозорец. Овој параметар, всушност, е односот на брзината на струењето на топлинската енергија и разликата меѓу надворешната и внатрешната температура меѓу кои се наоѓа прозорецот. Мерната единица во која се изразува овој параметар во Европа е W/m3 K.

3. Материјалот од кој се направени рамките.

Tondach покривни прозорци

Дрвото е природен материјал кој традиционално се користи за изработка на рамки на прозорци. Една од придобивките на дрвените прозорци е што даваат оптимална изолација, но и струење на воздухот што го намалува влијанието на кондензацијата. Импрегнацијата и премачкувањето на дрвото со квалитетен еколошки премаз придонесуваат за долготрајноста на овие прозорски единици. Така, безбојните површини лесно се чистат и се одржуваат. А оставаат простор и за личен печат, односно за дополнително боење на рамките по желба.

4. Начинот на вградување.

Tondach покривни прозорци

Освен самите карактеристики на материјалите и изработката на покривните прозорци, важен е и начинот на вградување, кој придонесува за енергетската ефикасност на прозорците. Дури и прозорците кои имаат ефикасна изолација мора да бидат правилно поставени за да не предизвикаат влага и провев. При вградувањето важно е да се посвети внимание на косината на покривот. Со соодветно поставување и со дополнителните материјали, прозорецот станува функционален и максимално придонесува за комфорот на домот.