Кос или рамен покрив – прашање е сега!

Традиција и естетика

предност на косиот покрив

Покривите се симбол на здрава и заштитена средина за живеење како во старите, така и во модерните населени места. Комбинацијата на коси покриви и глинени ќерамиди, пак, е симбол на европската култура.

Големата разновидност на форми, формати и бои на ќерамидите и на глинените додатоци се одраз на традиционалното мајсторство и помагаат да се зачува регионалното архитектонско наследство низ цела Европа.

И денес, косите покриви имаат значајно место во модерната архитектура. Нивната разновидност ги прави идеални за креативни и иновативни дизајнерски решенија, кои можат да резултираат со често посакуваниот футуристички изглед на покривот, кој е одраз на модерниот свет.

Rodinný dům Kunčice 2015 - střešní krytina Stodo 12 glazura břidlicově černá | Reference Wienerberger

Компактност и енергетска ефикасност

предност на косиот покрив

Куќа со кос покрив е за 12,5% покомпактна од куќа со рамен покрив со истата квадратура за живеење. Ова ја прави градбата енергетски поефикасна, со оглед на тоа што ја намалува површината на ѕидовите што доаѓаат во контакт со надворешниот свет.

Косиот покрив ја штити фасадата на куќата од сончевите зраци на лето, со што се избегнува нејзино прегревање, а во зима им овозможува на сончевите зраци да влезат внатре и заштитува од бури.

Косиот покрив значително ја зголемува енергетската ефикасност на градбата и благодарение на природната вентилација што ја овозможува покривот. Ова обезбедува максимален комфор во домот – зима топло, лете ладно.

Einfamilienhaus Pichlmann, Figaro Engobe anthrazit schwarz, Tondach, rofftile, single house

Кога бројките зборуваат

во корист на косиот покрив

Една неодамнешна студија ги спореди еколошките перформанси на семејни куќи со различни покривни решенија, врз основа на најкористените индикатори за градење (стандард МКС EN 15804). Студијата покажа дека двоспратна куќа со кос покрив со глинени ќерамиди има значително подобри перформанси, и тоа:

· за 41% е подобра од двоспратна куќа со рамен бетонски покрив

· за 21% е подобра од триспратна куќа со рамен бетонски покрив

· за 25% е подобра од триспратна куќа со рамен зелен покрив

Градењето куќа со кос покрив од глинени ќерамиди е еден начин за максимално намалување на ефектите врз животната средина. Не само што глинените производи се прават со користење на природни материјали – земја, воздух, оган и вода – туку и нема потреба за поминување долг пат во потрага по суровини. Тие можат да се најдат локално и да се однесат во најблиската фабрика со минимална потрошувачка на енергија и загадување на воздухот при транспортот, како што кај нас ќерамидите се прават од виничка глина во нашата фабрика во Виница.

Косиот покрив значи поголем простор за живеење

поголема вредност за куќата

Косите покриви ѝ даваат поголема вредност на куќата, бидејќи нудат повеќе простор за живеење во споредба со куќите со рамен покрив. Преобразбата на потпокривниот простор во поткровје е совршена можност за создавање дополнителен простор за живеење и е поевтина од доградба.

А тука е и можноста за вградување на покривни прозорци, со кои ќе внесете светлина во поткровјето и топлина во вашиот нов простор за живеење.

Косиот покрив значително ја зголемува енергетската ефикасност на градбата и благодарение на природната вентилација што ја овозможува покривот. Ова обезбедува максимален комфор во домот – зима топло, лете ладно.