Глината, составен дел на секој дом

Од памтивек до денес, производите направени од глина се составен дел на секој дом. Како материјал на садовите за јадење, украсите низ дома или како производ за градба на самиот дом, глината е нашиот вечен и верен пријател во домувањето. И има зошто!

Глината и исхраната

Употреба на глинени садови

Грнчарството е еден од најстарите човекови изуми, кој води потекло од камено време. На сите ни е позната изреката „Здравјето влегува преку устата“ и ова луѓето отсекогаш го знаеле. Затоа, за подготвување на храната и за нејзино чување, одамна се користеле глинени садови.

Јадењата кои не се пржени, кои долго време се крчкаат и кои се подготвуваат во природни садови го даваат токму тоа – еден здрав и вкусен оброк. Затоа, природната печена глина одговара на сите барања за здраво готвење. Таа не испушта штетни материи на високи температури, има одлична термичка изолација и премали се шансите јадењето во земјен сад да ви загори.

Денес, во време кога свесноста за значењето на природните материјали во кои готвиме е на особено високо ниво, глинените садови се на цена. Нашите стомни и бардаци, земјените тави и грнињата за печење, како и глинените чинивчиња не се традиционални садови кои можат да се најдат само во музеите и етно рестораните, туку се дел и од современите домашни кујни.

И јасно – па, има ли поубаво од тавче-гравче, кисела зелка, сарма, телешко или јагнешко крчкани со саати во земјени садови?!

Глината како украс, играчка и козметика

Креативноста нема граници

Цртани глинени саксии и вазни, чинии и шолји, украси за на ѕид или за во двор со најразновидни традиционални и модерни дезени... социјалните мрежи денес се преполни со страници на креативни луѓе од целиот свет кои од глината прават чуда.

А и децата ја обожаваат! Работата со глина од најмала возраст на децата им помага да ја развијат имагинацијата, ги инспирира да го моделираат светот околу себе и да ја развиваат фината моторика на прстињата и рачињата.

Глината е и природна козметика. Од кога знае за себе, човекот ја користел за нега и за зачувување на убавината, а и денес е присутна во многу третмани за убавина. Глината ексфолира и има способност да го апсорбира вишокот маснотии, нечистотијата и остатоците од кожата.

Глината како дел од домот од соништата

Природни градежни материјали

На сите ни е јасно што значи да се има глинени производи во домот, но дали знаеме што значи домот да биде изграден од квалитетни глинени производи?

Глината е природен материјал. Се наоѓа во површинскиот слој на земјата и со сушење и печење добива исклучително цврста форма, која е идеална за производство на градежни материјали. Таа ги исполнува биолошките потреби на човекот и е еден од најздравите материјали за градење.

Со оглед на нејзиниот безвременски карактер и одличните спецификации, како и на исклучителна топлинска изолација, глината не можете да ја заобиколите при изградбата на вашиот дом од соништата.

За таа цел, информирајте се повеќе за нашите природни глинени производи:

- тули Porotherm

- фасадни тули Terca

- ќерамиди Tondach