Програмата за учество на вработените во профитот 2022

Победуваме заедно – објавување на програмата за учество на вработените во профитот

Во светот на „Винербергер“, сите сме победници. Чест ни е да ја објавиме новата возбудлива програма со која вие и вашите колеги можете да го споделите нашиот успех. 

Знаеме дека нашиот успех го постигнуваме кога работиме заедно. Ние сме една од највредните и најиновативните компании во нашата индустрија, а вашата страст и ангажирање ни помогнаа да ги постигнеме, па и да ги надминеме, нашите цели во 2022 година. Со нашата Програма за учество на вработените во профитот (ПУВП) би сакале да ви ја признаеме и да ја наградиме вашата напорна работа во изминатата година. 

Програмата за учество на вработените во профитот 2022

Ќе добиете право на одреден број акции во „Винербергер АГ“. Како вработени во Македонија, до 20 акции ќе бидат резервиравни за Вас без никаков трошок. Вредноста на Вашиот пакет со акции зависи од моменталната цена на акциите. Ова значи дека ако цената на акциите на нашата компанија расте, ќе расте и вредноста на Вашето портфолио на акции.

Правото на овие акции ќе биде задржано од страна на Приватната фондација за учество на вработените на Винербергер (Wienerberger Mitarbeiterbeteiligungs-Privatstiftung) додека не ја напуштите компанијата, а потоа ќе ви бидат пренесени. За преносот ќе бидат применети Правилата и условите од 2022 година на ПУВП.

Дали сте знаеле дека...

…„Винербергер АГ“ е една од првите компании со кои се тргувало на Виенската берза на акции;
…со нашите акции се тргува повеќе од 150 години;
…нашиот фокус на одржливоста нè водеше да растеме побрзо отколку што растат нашите пазари;
…„Винербергер“ е во топ 5 компании на ATX (Австриската трговска берза). 

Како да станете дел од ПУВП

За да добиете право врз вашите акции, морате да го прифатите планот. Наскоро ќе обезбедиме повеќе информации за тоа како да го направите тоа. Имате време од 09/01/2023 09:00 до 16/02/2023 23:59 за да ја прифатите наградата.

Со ПУВП ги наградуваме напорите на секој вработен во „Винербергер“ за нивниот труд во текот на 2022 година.

Нашите заеднички вредности како страста, довербата, креативноста и почитта се основа на нашата здрава и профитабилна корпоративна култура и ние заедно сме моторот на одржливиот успех. Ви благодариме за вашата напорна работа и посветеноста во 2022 година и се надеваме дека и понатаму ќе ја градиме нашата компанија заедно со вас.

Продажба