Што подразбира есенската грижа за вашиот покрив

Сите знаеме дека на ладно материјалите се собираат, а на топло се шират. Но, кога промената од топло на ладно или обратно се случува брзо, на материјалите може да настанат пукнатини, како што се случува, на пример, со лимените покриви.

Покривите направени од глинени ќерамиди ја немаат таа мака, затоа што глинените ќерамиди се стабилен материјал. Печени на температура од над 1000° С, со природна глазура или енгоба, тие се максимално отпорни на жештина и на мраз и издржливи без разлика на брзината со која се менува топлината.

Дополнително, глината природно „дише“, апсорбира и постепено ослободува топлина, со што ја стабилизира микроклимата во потпокривниот простор. 

Внатрешната страна на покривот е исто толку важна како и надворешната. Надворешната штити да не влегува вода внатре, но внатрешната треба да се грижи влагата во воздухот да излегува надвор

Проверете дали има:

·       траги од влага или мувла во потпокривниот простор;

·       оштетени делови на изолацијата (вентилациските ленти) и

·       проблеми со вентилацијата.

Добрата термоизолација и вентилирањето ќе помогнат покривот да дише, односно во потпокривниот простор да не се акумулира влага, да не се создава кондензација и да се задржи топлината на домот преку зимата. 

Доколку имате посериозни проблеми со покривот, како што е мувла, изгниена дрвена конструкција или протекување, морате да се обратите кон стручни лица за сериозна проверка.

Професионалците можат да ги забележат оштетувањата што обичен човек не ги гледа и да предложат соодветна поправка или, доколку е потребно, целосно реновирање на покривот.