Пролетна проверка на покривот

Кога помислуваме на пролетта, замислуваме раззеленети површини, цвеќиња и инсекти, многу сончева светлина и топлина. Будењето на природата неминовно ни носи чувство на радост и желба да го зграпчиме животот.

Како луѓе посветени на изработка на градежни материјали, ние за секое годишно време размислуваме поаѓајќи од неговата поврзаност со градбите.

Во текот на долгиот и ладен зимски период, покривот ја носи целата тежина на дождовите, снегот, мразот и силните ветришта. А кога доаѓа пролетта, тој конечно може да „здивне“, да се исуши и загрее. Пролетните дождови ние ги гледаме како последна можност да ја испитаме сигурноста на покривот, а зголемувањето на топлите денови како вистинско време за реновирање и градење. 

Еве неколку основни чекори за проверка на покривот што секој сопственик на куќа може да ги прави секоја пролет:

1. Внимателно гледајте – визуелно проверете дали има скршени или изместени ќерамиди, како и дали на некое место недостасува ќерамида.

2. Проверете ги олуците – тие се навистина деликатни делови од покривот, кои треба постојано да бидат чисти и проточни за да не предизвикаат други проблеми.

3. Прегледајте однатре – качете се на таванот и испитајте дали има влага, водени дамки, мувла или лош мирис. Сите овие работи укажуваат на неисправност на покривот.

4. Снимање со дрон – ако не можете сами безбедно да се качите на покривот, во денешно време можете да искористите дрон за добро да го снимите покривот од горе и да увидите доколку постои некоја неисправност.

5. Консултација со стручно лице – доколку знаете дека има проблем со покривот, а не можете сами да го лоцирате местото каде што настанува проблемот, секогаш можете да викнете стручно лице за детална проверка и проценка. 

На пролет температурите се умерени, времето е попредвидливо и може да се избегнат непријатностите за време на есенските дождливи или зимските снежни денови.

Дополнително, на пролет во „Винербергер“ ја имаме нашата најпопуларна годишна кампања. Доделуваме ваучери од 100 евра за секој што сака да гради нов или да реновира стар покрив.