Пат околу светот на „Винербергер“

Дозволете ни да ве поведеме на една прошетка низ времето и низ просторот, во друштво на многу различни луѓе и вредности. Прошетка низ светот кој ние со векови го градиме. Свет граден за да гради нови светови. Добредојдовте во светот на „Винербергер“!

Историјата на нашиот свет

wienerberger

Светот на „Винербергер“ е стар 205 години. Постои повеќе од два века, а тоа во компанискиот универзум е огромна бројка. Особено ако се има предвид дека просекот на животниот век на компаниите на светско ниво е околу 15-20 години.

Компанијата ја основал Алојз Мизбах во 1819 година, на ридот Винерберг (што значи „виенски рид“), кој тогаш се наоѓал јужно од Виена, а денес е дел од градот. За само една година фабриката произвела 1,5 милион тули, кои биле користени за изградба на многу домови и службени згради во Виена.

Оттогаш до денес, „Винербергер“ останува најголемиот производител на глинени тули во светот, со тоа што денешната бројка изнесува околу 200 милиони тули годишно. Но, тулите се само делче во мозаикот на компанијата, чиј свет го сочинуваат многу сегменти на градежни материјали и елементи.

Свет што гради светови

„Винербергер“ е компанија со визија за иновативни и еколошки решенија за подобра иднина. Ова компанијата ја има однесено на три континенти, во 28 земји, каде што работи преку повеќе од 200 производствени погони.

Импозантна е и палетата на области што ги покрива со своите производи. Во Европа „Винербергер“ е најпозната по производството на глинени градежни производи. Сепак, ако сакаме детално да го претставиме , ќе ни треба малку повеќе време:

Решенија за покриви: глинени ќерамиди, системски решенија, соларни ќерамиди, системи со соларни панели, мембрани за рамни покриви;
Решенија со тули: системи со тули за ѕидање надворешни ѕидови и системи со фасадни тули;
Решенија за внатре: ладење и греење, инсталации за топла вода, одводни системи, системи за дождовница, заштита за електрични кабли, вентилација, цевки за гас;
Решенија за поплочување: бетонски и глинени павер-елементи како и придружни материјали;
Одводни решенија: системи од цевки за отпадни води;
Системи за управување со вода при бури...

Луѓето на Винербергер

wienerberger

Во „Винербергер“ луѓето се грижат за луѓето. Околу 20.000 вработени од 80 нации, кои зборуваат на 30 јазици во „Винербергер“ работат заедно. Водени од истите вредности, тие ги познаваат потребите и желбите на луѓето во земјите каде што живеат и ги вградуваат нивните гледишта и култури во организацијата.

Вработените во „Винербергер“ поседуваат 919.538 акции во компанијата, така што работејќи за „Винербергер“ тие работат и за себе. Токму затоа, грижата за вработените се враќа со грижа на вработените за компанијата и со нивните долги стажови во „Винербергер“.

Свет што се грижи за иднината на светот

wienerberger

Луѓето во „Винербергер“ на иднината гледаат со желба да ја направат подобра. И тоа на секој план!

Од една страна, се грижиме за подобра иднина за нашиот свет. „Винербергер“ постојано вложува во обуки за заштита и безбедност при работата, во едукација и надградба на вработените. Исто така, една од долгорочните цели на компанијата е зголемување на процентот на жени и тоа на сите нивоа. Сите акциски планови што се прават се базирани на принципот на подеднакви плати за мажите и жените на исто работно место и еднакви можности за сите.

Од друга страна, се грижиме за подобра иднина на целиот свет. Нашите планови за раст и развој се прават врз основа на зацртаните цели за намалување на емисиите на јаглерод диоксид за 40% до 2030 година и за нивна целосна елиминација до 2050 година. Се префрлуваме на зелена енергија, ја подобруваме ефикасноста, го оптимизираме портфолиото и дизајнот на производите, работиме на нови рецептури и воведуваме нови технологии.

И сето тоа со една голема цел: да градиме подобра иднина, во која сите ние ќе имаме поквалитетен, побезбеден и посреќен живот.