Колку чини еден Tondach покрив?

„Колку чини да се направи еден Tondach покрив?“ е едно од најчестите прашања што ги добиваме. И сосема оправдано, бидејќи знаеме дека покривот е голема инвестиција, којашто треба да трае со децении.

За да можеме да ви помогнеме да дојдете до одговорот на вашето прашање, направивме список на сите работи што треба да ги земете предвид при планирањето на буџетот за градење на вашиот нов покрив. 

Видот и формата на покривот влијаат на цената

Сите покриви не се исти. Многу полесно и побрзо може да се изведе едноставен двоводен покрив, додека покомплексни форми со повеќе косини, отвори, оџаци и покривни прозорци бараат повеќе материјал, повеќе време и посложена монтажа. Значи, колку е покривот покомплексен, толку повеќе ќе чини.

Покривните додатоци се дел од комплетниот систем

За правилно функционирање на покривот потребни се и дополнителни елементи, како што се вентилациски елементи за стреа, заштитни решетки за птици, вентилациска лента за било/гребен, паропропусна фолија, снегобрани, олуци итн.

Овие компоненти мора да ги земете предвид при првичната пресметка, затоа што се неопходни за квалитетен и долготраен покрив.

Зошто не можеме веднаш да кажеме точна цена?

Кога се планира нов покрив, важно е да се гледа целата слика. Ќерамидите се видливиот дел, но зад нив стојат конструкција, заштита, додатоци и професионална изведба.

И, можеби не можеме да кажеме точна цена за целиот покрив, но можеме да кажеме точно кои ќерамиди треба да ги одберете. Природните глинени ќерамиди Tondach се препорака зад која цврсто стоиме.