Како изгледаат домовите низ светот за Нова година?

Red christmas balls decorated with ribbons and pine cones hanging at a stall in a christmas market

Како светот го украсува домот за Нова година

традиции

Во Италија, црвените украси се неизоставни за добивање новогодишна атмосфера. Свеќи, перничиња, салфетки и разните други украси во црвена боја се користат како симбол за среќа, љубов и заштита на семејството.

Во Шпанија, пак, домовите често се украсуваат со жолти светилки и златни детали, кои симболизираат оптимизам и благосостојба.

Во традиционално украсените домови низ Германија за Нова година се поставуваат симболи на среќа, како мали прасенца, детелини со четири листа или печурки.

Во Норвешка домот за Нова година се украсува со природни елементи, како гранчиња од бор и ела и венци од зимзелени растенија, но за време на новогодишната ноќ сите ги кријат метлите да не се гледаат, како симболична заштита од негативните сили.

Во домовите низ САД за украсувањето за Нова година чест е тематскиот пристап – цел дом се кити во еден стил или една боја, при што светилките и декоративните венци се неизоставни елементи.

A low angle shot of Chinese lanterns in Fan Tan Alley, Chinatown, Victoria, BC Canada

Традиции во Јапонија, Кина и Јужна Кореја

Нова година во светот

Пред влезот на домовите во Јапонија за Нова година се поставува кадомацу – украс од бор и бамбус кој ја симболизира долговечноста, стабилноста и почитта кон домот.

За кинеската Нова година (која се слави подоцна), домовите се украсуваат со црвени лампиони, хартиени украси и калиграфски пораки со желби за среќа, здравје и успех. Чистењето на домот пред празникот е клучен дел од традицијата.

Домовите во Јужна Кореја за Нова година традиција е да се одржуваат чисти и едноставни, при што акцентот е на семејната трпеза. Украсите најчесто се од хартија, црвени и дискретни.

Santa Claus holds gift boxes with the ocean on backgraund. Australia, Christmas in summer time.

Нова година со фокус на заедничко славење

традиции во светот

За Нова година, во Бразил доминира белата боја – и во облеката на луѓето, и во украсувањето на домот, како симбол на мир и нов почеток. Бразилците своите домови ги китат со бели свеќички и светли декоративни елементи.

Домовите во Мексико се украсуваат со шарени светилки, свеќи и рачно изработени украси. Боите ги симболизираат различните желби за новата година.

Во некои заедници во Јужноафриканската Република, украсувањето оди рака под рака со расчистување и ослободување од старото, како симболичен влез во новата година со „чист дом“.

Поради тоа што во Австралија е лето за Нова година, украсувањето на домовите е посветло и полежерно – светилки, цвеќиња и декорации на терасите и во дворовите, со фокус на заедничко славење.

Joyful brunette in red dress scatters gold and silver confetti on white background

Домот како срце на новогодишната прослава

празнично руво за Нова година

Иако традициите се различни, на сите луѓе во светот заедничка ни е желбата домот да го завиеме во празнично руво за Нова година. Затоа што, зад симболиката на сите тие традиции, во основа, лежи визуелната порака дека домот е местото каде што треба да го дочекаме секој нов почеток и да му се радуваме заедно со најблиските.

Нека и вашиот дом биде место на сигурност, радост и заедништво за овие новогодишни празници. Тимот на „Винербергер“ ви посакува оттука да ја испратите старата и да ја дочекате Новата 2026 година во празнично расположение, со многу позитивна енергија и среќни семејни мигови.