Како до светло и свежо поткровје

Важноста на дневната светлина во просторот за живеење

Поткровјето е идеално за летно време

Иако се чини дека најгорниот дел од куќата не може да биде пријатен за живеење во лето, благодарение на напредните градежни решенија поткровјето и тоа како може да се претвори во пријатно летно катче.

Со оглед на тоа што поткровјето е оддалечено од главните простории, тоа нуди мир и приватност, што го прави идеално за читање, одмор, работа од дома или за игра на децата.

Со квалитетна термоизолација и со поставување на современи покривни прозорци, поткровјето ќе биде пријатно дури и во најтоплите денови. Покривните прозорци овозможуваат природна вентилација, ја поттикнуваат циркулацијата на воздухот и го намалуваат користењето на клима-уредите.

Важноста на дневната светлина во просторот за живеење

Покривните прозорци служат и за максимално искористување на дневната светлина.

А таа, пак, има големо влијание врз расположението, концентрацијата и општата благосостојба на луѓето.

Светлината создава чувство на пространост и на позитивна атмосфера. Особено во поткровните простории, кои сме навикнати да ги доживуваме како мрачни и загушливи, присуството на покривни прозорци целосно го менува доживувањето на просторот.

Како да изберете покривни прозорци

Доколку веќе сте решиле да го преобразите вашето поткровје во простор за живеење, тука сме да ви помогнеме при изборот на покривните прозорци. За да се осигурате дека нема да згрешите, посветете внимание на следниве работи:

Термо и звучна изолација. Ако вашето поткровје се наоѓа во урбана средина или во средина каде што сакате целосен спокој, ова е нешто што ви е особено важно. Прозорците со квалитетна изолација меѓу стаклото, како што се покривните прозорци Tondach, се полнети со инертен гас – аргон. Во прашање е благороден гас кој е безбоен и нереактивен и претставува врвно средство за изолација на стаклени производи.
Енергетска ефикасност. Важен фактор кој директно укажува на енергетската ефикасност на прозорците е U-факторот. Колку што тој е понизок, толку изолацијата е подобра. Секој прозорец има U-фактор на самото стакло и на комплетниот прозорец, така што погледнете ги и двата фактора при изборот на вашите нови покривни прозорци.
Материјалот на рамките. Дрвото е природен материјал кој традиционално се користи за изработка на рамки на прозорци. Една од придобивките на дрвените рамки е оптималната изолација, но и струењето на воздухот што го намалува влијанието на кондензацијата. Импрегнацијата и премачкувањето на дрвото со квалитетен еколошки премаз придонесуваат за долготрајноста на прозорците, така што задолжително побарајте ја таа информација.